Германияда Нурсултан Назарбаевдин үй-бүлөсүнө таандык кымбат хан сарайлар табылганы айтылды

Германияда Казакстандын экс-президенти Нурсултан Назарбаевдин үй-бүлөсүнө таандык хан сарайлар табылды. Бул тууралуу чет элдик басылмалар жазып чыгышты.

Маалыматка ылайык, Казакстандын биринчи президенти Нурсултан Назарбаевдин кызы Динара Кулибаева жана анын күйөөсү Тимур Кулибаев Германиядан төрт элиталык үй сатып алуу үчүн 100 миллион доллардан ашык инвестиция салышкан. Аларга таандык болгон хан сарайлар Германиянын Deutsche Welle (DW) медиа компаниясынын иликтөөсүндө айтылат.

Макалада Казакстандын мурдагы президентинин үй-бүлө мүчөлөрүнө таандык хан сарайлардын бири Германиянын Баден-Баден курортундагы Zeelach мүлкү экени айтылат. 19-кылымда атактуу орус дипломаты, жеке кеңешчи Михаил Хрептовичтин резиденциясы ошол жерде жайгашкан. Имараттын ичи фрескалар, люкс люстралар жана чебер шыбактар менен кооздолгону, шыптары баалуу жыгачтан жасалганы белгиленген. Ошондой эле сарайдын аймагында фонтандары бар ландшафттык парк бар экенин, анын астында миң чарчы метрге жакын курорттук аянтча жабдылганы айтылат.

DW агенттигинин маалыматына караганда, Кулибаевдердин үй-бүлөсүнө тиешелүү Zeelach мүлкүнөн тышкары аймакта дагы үч мүлкү бар. Алардын арасында эки тарыхый эстелик – атактуу архитектор Густав Штрохтун вилласы жана Германиянын биринчи канцлери Конрад Аденауэр эс алууну жакшы көргөн мейманканасы бар экени кабарланат.

Автор: Алина Айдарбекова