Кыргыз-тажик чек арасы боюнча топографиялык жумушчу топтордун жолугушуусу болду

Кыргыз-тажик чек арасы боюнча топографиялык жумушчу топтордун жолугушуусу болду. Бул тууралуу министрлер кабинетинин басма сөз кызматынан билдиришти.

Маалыматка ылайык, 10-15-февралда Баткен шаарында Кыргыз Республикасынын жана Тажикстандын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын топографиялык жумушчу топторунун кезектеги жолугушуусу болуп өттү.

Тараптар калган тилкелердеги кыргыз-тажик мамлекеттик чек ара линиясынын өтүүсү маселеси тууралуу пикир алышып, талкууну Тажикстан Республикасынын аймагында өтүүчү келерки жолугушууда улантууну макулдашты.

Жолугушуу достук жана өз ара түшүнүшүү маанайында өттү.

Автор: Кенжебай Сатканалиев