Рамзан Кадыров Украинада чечен генералы өлтүрүлдү деген маалымат боюнча үн катты

Украин маалымат каражаттарында чечен аскер кызматкерлери, генерал Магомед Тушаев менен ОМОНдун командири Анзор Бисаевдин өлүмү тууралуу маалымат тарады.

Чеченстандын башчысы Рамзан Кадыров бул маалыматты четке какты.

"Учурда фейк маалыматтар тарап жатат. Биз чоочун эмеспиз. Бул жолу Украинада чечен аскер кызматкерлеринин тобу жана 141-атайын полктун командири жок кылынды деген туура эмес маалымат тарады. Орусия Федерациясынын Улуттук гвардиясынын аскер кызматкери Магомед Тушаев, ошондой эле Чечен Республикасы боюнча «Ахмат-Грозный» ОМОНунун командири Анзор Бисаев курман болгон жок. Балдар менен байланыштым, алар тирүү”, - деди Кадыров.