Активист Мирлан Ураимовдун баш коргоо чарасын кароо башка күнгө жылдырылды

Активист Мирлан Ураимовдун баш коргоо чарасын кароо башка күнгө жылдырылды. Бул тууралуу SUPER.KG порталына Ураимовдун жактоочусу Юлия Богданова билдирди.

“Мирлан Ураимовдун баш коргоо чарасы бүгүн, 3-мартта Бишкек шаардык сотунда каралмак. Бирок соттук коллегиянын мүчөлөрүнүн бири ооруп калганына байланыштуу отурум 9-мартка саат 10:00гө жылдырылды”, - деди жактоочу.

Эскерте кетсек, “Бүтүн Кыргызстан” партиясынын мүчөсү, активист Мирлан Ураимов февраль айынын башында УКМК тарабынан “бийликти күч менен басып алууга ачык чакырык” беренеси менен айыпталып кармалган.

Автор: Кенжебай Сатканалиев