Бишкекте жашы жете элек кызды зордуктаган деп милиция кызматкери кармалды

Бишкекте жашы жете элек кызды зордуктаган деп милиция кызматкери кармалды. Бул тууралуу SUPER.KG порталына Башкы прокуратурадан билдиришти.

Маалыматка ылайык, Свердлов райондук прокуратуранын кызматкерлери тарабынан жашы жете элек кызды зордуктаган деп 2 адам кармалган. Алардын бири Свердлов РИИБинин кызматкери болгон.

“Учурда маалымат такталып жатат. Свердлов РИИБинин кызматкери кармалганы чын. Ал эми өспүрүм кыздын жашы жана окуянын башка жагдайлары такталууда”, - деп билдиришти башкы көзөмөлдөөчү органдан.

Буга чейин Бишкек шаарында милициянын аймактык тескөөчүсү 13 жашар кызды зордуктоого айыпталып кармалганы кабарланган.

Автор: Кенжебай Сатканалиев