Садыр Жапаров Кыргыз курамасын хоккей боюнча Дүйнө чемпиондугундагы жеңиши менен куттуктады

Президент Садыр Жапаров ата мекендик хоккейчилерди IV дивизиондогу хоккей боюнча Дүйнө чемпиондугундагы жеңиши менен куттуктады. Бул тууралуу президенттин администрациясынан билдиришти.

Ага ылайык, Садыр Жапаров жана өлкөнүн биринчи айымы Айгүл Жапарова Кыргыз өлкөсү менен Кувейт курамаларынын ортосундагы турнирдин финалдык беттешин трибунадан көрүүчүлөр катары көрүштү.

Улуттук курама Кувейт командасын 14:0 эсебинде жеңип, аны менен бул Дүйнө чемпиондугунда биринчи орунду ээледи.

Сыйлыктарды тапшыруу аземи аяктагандан кийин мамлекет башчысы Кыргыз өлкөсүнүн командасынын кийим алмаштыруучу жайына кирип, хоккейчилерибизди Чемпионаттагы ишенимдүү жеңиши менен куттуктады.

Садыр Жапаров спортчулар менен баарлашууда улуттук кураманын жеңиши бардык кыргыз элине кубаныч жана сыймыктануу тартуулаганын белгиледи.

Президент өзүнүн атынан бардык команда мүчөлөрүнө, машыктыруучулар курамына жана улуттук кураманын дарыгерлерине акчалай сыйлыктарды тапшырды.

Белгилей кетсек, 3-марттан 8-мартка чейин Бишкек шаарында төртүнчү дивизиондун командалары арасында хоккей боюнча Дүйнө чемпиондугу өттү.

Бул республиканын аймагында өткөрүлгөн спорттун олимпиадалык түрү боюнча биринчи дүйнөлүк чемпиондук болду.

Турнирге Кыргыз өлкөсү, Кувейт, Сингапур, Малайзия жана Ирандан беш курама команда катышты.

Автор: Айжанар Рыспек кызы
Фото: Президенттин администрациясынын басма сөз кызматы

09:01 09-03-2022

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 256 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 285 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 247 0

22:26 2025-06-26 | Коом жана турмуш

27-июнга карата аба ырайы 356 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1809 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1338 0

Архив

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.