Февраль айында өлкөгө Орусиядан 13 адамдын сөөгү алып келинди

Кыргыз өлкөсүнүн Орусиядагы элчилиги 1-февралдан 28-февралга чейинки аралыкта аткарган иштери боюнча маалымат таратты. Анда бир айдын ичинде Орусиядан канча "Жүк-200" жөнөтүлгөнү айтылды.

"Каза болгон 13 Кыргыз жаранынын сөөгүн ("Жүк-200") мекенине жөнөтүүгө консультациялык, юридикалык жана практикалык жардам көрсөтүлгөн. Өз кезегинде мыйзамга ылайык, алардын жакын туугандарына алардын сөөгүн Кыргыз Республикасына жеткирүүгө кеткен чыгымдары үчүн акчалай компенсация төлөнүп берилди", - деп айтылат маалыматта.

Андан тышкары эмгек укуктарын коргоо боюнча иш-чаралардын алкагында 15 Кыргыз жаранына иш берүүчүлөр тарабынан төлөнбөй жаткан 1 миллион 496 миң 131 рубль өлчөмүндө эмгек акысын алууга жардам көрсөтүлгөн.

Автор: Бактыгүл Момбекова