Жоголгон моделдин сөөгү бир жылдан кийин башка шаардан чемодандан табылды

Москва шаарында мындан бир жыл мурун дайынсыз жоголгон Гретта Ведлердин сөөгү башка шаардан, тагыраагы Липецк шаарында унаага катылган чемодандын ичинен табылды. Бул тууралуу орус басылмалары жазышты.

Маалыматка ылайык, Ведлер өткөн жылдын февраль айында Москванын Лесная көчөсүндөгү мейманканадан дайынсыз жоголгон. Моделдин таанышы аны өлтүрөм деп коркутуп, тынымсыз артынан сая түшүп жүргөн бир адам менен жакын мамиледе болгонун айткан.

Жоголгонго чейин Ведлер өзүн коргоо үчүн Москвадагы мейманканада жашап жүргөн. 2022-жылдын 13-мартында кыздын жансыз денеси унаанын багажындагы чемодандан табылып, шектүү кармалган.

SUPER.KG порталынын Телеграм каналына бул шилтеме аркылуу кире аласыз!