ЕАЭБ өлкөлөрү улуттук валюталар менен эсептешүүгө өтүүнү макулдашты

Орусия Федерациясынын Экономикалык өнүгүү министрлигинин башчысы Максим Решетников Евразия экономикалык биримдигине (ЕАЭБ) мүчө өлкөлөр улуттук валюталар менен эсептешүүгө этап-этабы менен өтүү боюнча макулдашканын билдирди. Бул тууралу орус басылмалары жазып чыгышты.

Максим Решетниковдун айтымында, бул тема Евразия экономикалык комиссиясынын (ЕЭК) кеңешинин жыйынында талкууланган.

"Рубль менен өз ара эсептешүү маселеси талкууланган абдан маанилүү маселе болду. Башкача айтканда, ар бир өлкө алган милдеттенмелер алар союздук келишимде белгиленген белгилүү өлчөмдө бөлүнүп, тиешелүү өлкөлөрдүн бюджетине түшөт", - деп билдирген ал.

Буга чейин ЕАЭБ өлкөлөрүнүн мамлекеттер тарабынан чогултулган бажы төлөмдөрү доллар менен кайра эсептелген.

ЕЭК Кеңешинин жыйынынын жыйынтыгы боюнча Максим Решетниковдун билдирүүсүнүн видеосу уюмдун YouTube каналында жарыяланды.