Долон ашуусуна түшкөн кар көчкү тазаланып, жол бир тараптуу ачылды

Бүгүн, 19-мартта болжол менен саат 12:00дөн тарта Бишкек-Нарын-Торугарт жолу бир тараптуу ачылды. Бул тууралуу ӨКМдан билдиришти.

ӨКМдан билдиришкендей, учурда унаа жолду кеңейтүү иштери аткарылууда. Ал эми Нарын тарабына түшкөн көчкүнүн болжол менен 32 300 метр куб көлөмү тазаланды

12 жүктөөгүч, 1 кар түртүүчү унаасы, 3 эксковатор тазалоо иштерин жүргүзүүдө.

ӨКМ жарандарды жаап жаткан жамгырга жана күтүлүп жаткан жаан-чачынга байланыштуу зарылчылык жок болсо, алыскы жолго чыгуудан баш тартууга чакырат.

Автор: Айжанар Рыспек кызы
Фото: ӨКМ