Көркөмү көздүн жоосун алат. Бишкектеги Нооруз майрамынан сүрөттөр

Бүгүн, 21-мартта Бишкек шаарынын "Ала-Тоо" аянтында Нооруз майрамына карата иш-чара өттү. Ага министрлер кабинетинин төрагасы Акылбек Жапаров, министрлер кабинетинин өкүлдөрү, Жогорку Кеңештин депутаттары, Бишкек шаарынын мэриясынын өкүлдөрү катышты. Майрамга келген конокторго жана шаар тургундарына сүмөлөк тартылып, эстрада жылдыздарынын катышуусундагы концерттик программа менен коштолду.

Анда министрлер кабинетинин төрагасы Акылбек Жапаров кыргыз элин Нооруз майрамы менен куттуктады.

"Өткөн жылы "Кумтөр" боюнча чоң кадамдарга бардык. "Кумтөргө" мурда президенттер "крыша" болуп келген. Азыр баары өзгөрдү. Биз коркпой тобокелдикке барып, биринчи кадамды баштаганда "Центерра" элди талаага таштап, өлкөдөн чыгып кетти. "Кумтөрдү" биз иштетип кеттик. "Кумтөр" боюнча бир нече жолу мүмкүнчүлүк болгон, бирок бардыгын колдон чыгардык. Азыр тарыхый учур болуп жатат. Алтындын запастарына өзүбүздүн элибиз ээлик кылат", - деди Акылбек Жапаров.

Автор: Жолдубек Качкынбаев
Фото: Жолдубек Качкынбаев