Кыргызстан менен Германиянын тышкы иштер министрлери Украинадагы кырдаалды талкуулашты

29-мартында Берлинде Кыргыз Республикасынын тышкы иштер министри Руслан Казакбаев менен Германиянын тышкы иштер министри Анналена Бербоктун сүйлөшүүлөрү болуп өттү. Бул тууралуу Тышкы иштер министрлигинин басма сөз кызматынан билдиришти.

Германия Кыргыз мамлекетинин Европа биримдигиндеги өлкөнүн демократиялык өнүгүүсүнө зор салым кошкон артыкчылыктуу өнөктөштөрүнүн бири экендиги белгиленди.

Эки тараптуу жана көп тараптуу форматта кыргыз-герман кызматташтыгын мындан ары чыңдоого жана активдештирүүгө тараптардын өз ара даярдыгы ырасталды.

Бийик жана жогорку деңгээлдеги өз ара сапарларды уюштуруунун, ошондой эле кыргыз-герман мамилелерин жаңы деңгээлге чыгаруу үчүн тиешелүү эки тараптуу жана көп тараптуу документтерге кол коюунун маанилүүлүгү баса белгиленди.

Ооганстандагы жана Украинадагы кырдаалдын, ошондой эле COVID-19 пандемиясынын Борбордук Азияга тийгизген таасиринин контекстинде германиялык тарапка Германиянын Экономикалык кызматташтык жана өнүктүрүү боюнча Федералдык министрлиги аркылуу мурда көп тараптуу форматка өткөрүлгөн Кыргыз мамлекети эки тараптуу каржылык-техникалык долбоорлорду ишке ашырууну федералдык макулдашуу аркылуу калыбына келтирүү маселесин кароо өтүнүчү узатылды. Ошону менен бирге Германия Кыргыз өлкөсүнө жардам көрсөтүү боюнча долбоорлорду натыйжалуу ишке ашыруунун маанилүүлүгүн белгиледи.

Украинадагы кырдаал өзүнчө, анын ичинде "Энергетикалык өтүү жөнүндө Берлин диалогу" конференциясында каралып жаткан энергетикалык жана азык-түлүк коопсуздугун чыңдоо маселелери каралды.

Украинадагы кырдаалды кароодо Кыргыз Республикасы БУУнун уставында жана башка документтерде бекитилген жалпы таанылган эл аралык укук нормаларын жана принциптерин сактоону, анын ичинде мамлекеттердин аймактык бүтүндүгүн жана чыр-чатактарды тынчтык жолу менен жөнгө салууну жактай тургандыгы баса белгиленди. Коопсуздуктун бөлүнбөстүк принцибин сактоонун маанилүүлүгү да белгиленди. Ошондой эле коопсуздуктун бөлүнгүс принцибинин бардык өлкөлөр тарабынан сакталышынын маанилүүлүгү белгиленди.

Министр Руслан Казакбаев ар кандай чыр-чатакты саясий-дипломатиялык жол менен гана сүйлөшүүлөр аркылуу чечүүнүн маанилүүлүгүн жана бардык кызыкдар тараптар кырдаалды жөнгө салуу үчүн бардык мүмкүнчүлүктөрдү, анын ичинде, эгерде учурдагы форматтар натыйжалуулугун жоготсо, дагы бир жолу эскертти.

Орусия менен Украинанын өкүлдөрүнүн ортосунда жүрүп жаткан сүйлөшүүлөр, куралдуу кагылышууну токтотууга жана тынчтыкка жетишүүгө багытталган өлкөлөрдүн ортомчулук аракеттери жана демилгелери, анын ичинде Германиянын, Франциянын жана Түркиянын саясий жетекчилигинин иш-аракеттери оң маанайда белгиленди.