Орусияда кайдан келгени белгисиз тик учактар мунай базаны аткылашты (видео)

Орусиянын Белгород шаарындагы мунай базасын белгисиз тараптан келген эки тик учак аткылады. Бул тууралуу орус басылмалары жазышты.

Маалыматка ылайык, Белгород шаарынын губернатору Вячеслав Гладков аба соккусун Украинанын Куралдуу күчтөрү жасаганын айтты. Ошол эле учурда Украинанын Куралдуу күчтөрү бул боюнча расмий комментарий бере элек.

"Мунай базасындагы өрт Украинанын Куралдуу күчтөрүнүн эки тик учагынын Орусиянын аймагына кирип, сокку жасаганынын натыйжасында келип чыккан. Жабыркагандар жок", - деген Гладков.

Губернатордун айтымында, соккудан нефтебазанын эки кызматкери жабыркаган. Аларга биринчи медициналык жардам көрсөтүлгөн.

Ал ошондой эле бийлик Почтовая, Макаренко жана Константин Заслонов көчөлөрүнүн тургундарын коопсуз жайга көчүрө баштаганын белгилеген.