Алмазбек Атамбаевди "Тез жардам" алып кетти

Бүгүн, 4-апрелде Бишкектин Биринчи Май райондук сотунда Октябрь окуялары боюнча сот отуруму өттү. Андан соң мурдагы президент Алмазбек Атамбаевди "Тез жардам" алып кетти. Аны №47 абагына алып кетишти.

Белгилей кетсек, Атамбаев "Батукаевдин кылмыш иши" боюнча өзүн жана жакындарын мүлкүнөн ажыратуу менен 11 жыл эки айга кесилген. Алмазбек Атамбаев учурда №47 кармоо абагында жазасын өтөп жатат.

23-мартта Алмазбек Атамбаевди суукта ич кийимчен күч менен сотко алып келгендигин анын жактоочусу Замир Жоошев билдирген. Өз кезегинде Жазаларды аткаруу кызматы Алмазбек Атамбаевге карата күч колдонуу мүмкүн эместигин билдирген.

Автор: Жылдыз Джускембаева