Садыр Жапаров "Ата-Бейитке" барып Апрель окуясында курман болгондорду эскерди (фото)

Өлкө башчы Садыр Жапаров бүгүн, 7-апрелде "Ата-Бейит" улуттук тарыхый-мемориалдык комплексинде Апрель революциясында курман болгон баатырлардын элесин эскерди. Бул тууралуу президенттик аппараттан кабарлашты.

Мамлекет башчысы 2010-жылдагы Апрель элдик революциясынын баатырларынын мемориалына гүл коюп, куран окулду.

Андан соң чыгаан жазуучу Чыңгыз Айтматовдун бейитинде куран окулду.

Иш-чарага ошондой эле Жогорку Кеңештин төрагасы Талант Мамытов, Министрлер кабинетинин төрагасы Акылбек Жапаров, Жогорку соттун төрагасы Замирбек Базарбеков, Конституциялык Соттун төрагасы Эмил Өскөнбаев, экс-президенттер Роза Отунбаева менен Сооронбай Жээнбеков, ошондой эле Мамлекеттик катчы Сүйүнбек Касмамбетов, Коопсуздук кеңешинин катчысы Марат Иманкулов жана министрлер кабинетинин мүчөлөрү катышкан.