"Президент менен түз байланышым бар деген". Бишкекте алдамчылыкка шектүү кармалды

Бишкекте алдамчылыкка шектүү жаран кармалды. Бул тууралуу Свердлов РИИБинен билдиришти.

Маалыматка ылайык, Бишкек шаарынын А.Т. аттуу тургуну А.А. аттуу чала тааныш жаранга чара көрүү өтүнүчү менен кайрылган. Анда "Сары-Өзөн" базарынан ири жер тилкесин алып берем деген шылтоо менен ишенимге кирип, президент менен түздөн-түз байланышым бар деген шылтоо менен 44 миң доллар өлчөмүндөгү каражаттын алып, убадасын аткарбай, белгисиз тарапка качып кеткен.

"Аталган факты Свердлов РИИБине катталып, Кылмыш-жаза кодексинин 209-беренесинин 4-бөлүмү "алдамчылык" менен кылмыш иши козголгон. Жүргүзүлгөн комплекстүү иликтөө иш-чараларынын жүрүшүндө кылмышка шектүү катары 1992-жылы туулган А.А. кармалып, Бишкек ШИИББинин убактылуу кармоочу жайына киргизилди", - деп жазылат маалыматта.

Автор: Жолдубек Качкынбаев