Чеченстандан Украинага дагы 300 аскер жөнөп кетти

Донбасстагы жана Украинадагы атайын операцияга катышуу үчүн Грозныйдан дагы 300 аскер Украинага жөнөп кетти. Бул тууралуу Чеченстандын башчысы Рамзан Кадыров телеграмм каналына жазды.

"Алардын арасында чечендер гана эмес, Орусиянын башка аймактарынан келген башка улуттардын өкүлдөрү дагы бар. Украинада фашисттик каардуу режимге каршы күрөштүн желеги астында Орусиянын патриотторунун бирикмеси бар. Бул жакшы жаңылык", - деп жазды Кадыров.

"Биздин жоокерлердин маанайы абдан жогору жана Донбасстын калкы үчүн сегиз жылдан бери үрөй учурган бардык кыйынчылыктарга каршы турушат", - деп кошумчалады ал.

5-апрелде Рамзан Кадыров 260тан ашуун украиналык деңиз аскерлери Мариуполдо орус аскерлерине багынып бергенин өзүнүн Телеграм каналына жазган.

Автор: Азат Бейшенбеков