"Бизди унутуп калышыптыр". Бишкекте Октябрь окуясында жаракат алгандар митингге чыгышты

Бүгүн, 15-апрелде Бишкекте Биринчи Май райондук сотунун имаратынын жанында 2020-жылдын октябрь айындагы тополоңдо жабыркагандар митингге чыгышты.

"Коогалаңда көзүнөн, колу-бутунан ажырагандар бар. Айрымдары азыркыга чейин дарыланышууда. Бирөө өмүрүнөн ажырады. Булар бизди унутуп коюшту. Биз октябрь окуясы боюнча соттук териштирүүдө жабырлануучу катары таанылууну каалайбыз. Экс-президент Сооронбай Жээнбековду, ошондой эле УКМКнын мурдагы жетекчилери Орозбек Опумбаевди жана ИИМдин мурдагы жетекчилери Кашкар Жунушалиевди жоопкерчиликке тартууну талап кылабыз. Буга чейин Башкы прокуратурага кайрылганбыз, бирок жооп болгон жок", - деди катышуучулардын бири.