Министрлик: "Байланыш каражаттарын каттоо үчүн 700 сом алынбайт"

Байланыш каражаттарын каттоо үчүн 700 сом алынбайт. Бул тууралуу Санариптик өнүктүрүү министрлигинен маалымдашты.

"Мыйзам долбоорунун сунуш кылынган вариантынын маалымдама негиздемеси массалык маалымат каражаттарынын өкүлдөрү тарабынан туура эмес чечмеленген жана туура эмес түшүнүлгөн. Ушуга байланыштуу министрлик коомдук талкууга коюлган документтин толук текстин жарыялады", - деп жазылат маалыматта.

Мамлекеттик идентификациялоо системасы (SSI) эмнени берет?

Каттоо радиациянын көбөйүшүнө байланыштуу ден соолук үчүн кооптуу болгон сапаты начар “жаңыланган” аппараттардын агымын азайтат.

Бул демилге товарларды мыйзамсыз ташып кирүүнүн контрабандалык продукциясынын көлөмүн кыйла натыйжалуу жана ачык-айкын кыскартууга, салык салуудан жашыруу учурларын кыскартууга жана ак ниет импортчу ишкерлерди стимулдаштырууга мүмкүндүк берет.

Белгилей кетсек, мамлекет тарабынан көрүлүп жаткан бардык чараларга карабастан, байланыш каражаттарынын негизги үлүшү контрабанда жолу менен республиканын аймагына бажы жагынан жол-жоболоштуруунун милдеттүү стадиясын, ташып келүү жана сертификациялоо процедураларын, салык төлөмдөрүн төлөө жана бир бөлүгүн аткезчилик жолу менен кирип жатат. түшүнүп жаткан буюмдар толугу менен жасалма болуп саналат.

Жасалган мүлктүк кылмыштардын азайышы уурдалган байланыш түзүлүштөрүн аралыктан башкаруу жана оперативдүү бөгөт коюу мүмкүнчүлүгүнөн келип чыгат. Ал эми уурдалган аппарат табылса, анын конкреттүү адамга тиешелүүлүгүн тез арада аныктоого жардам берет. Укук коргоо органдарынын катталган идентификациялык коддор боюнча иши дайынсыз жоголгондорду, ошондой эле ар кандай укук бузууларды жана кылмыштарды жасоого катышкандарды издөөнү тездетүүгө өбөлгө түзөт.

Дүйнөнүн көптөгөн өлкөлөрүндө мобилдик түзүлүштөрдү аныктоо демилгеси ар тараптан эффективдүү экендигин далилдеди – экономикага оң таасирин тийгизет, салыктын ачык-айкын жыйымы, кылмыштуулуктун азайышы, жарандардын аппараттардын жана кызматтардын сапатына канааттануусу.

Автор: Айжанар Рыспек кызы