Бишкекте салттуу музыка жумалыгы старт алды

Бүгүн, 20-апрелде Бишкектеги Уркуя Салиева атындагы сейил багында салттуу музыка жумалыгы старт алды.

Анда улуттук аспаптарды жасоо боюнча чеберлердин мастер-класстары жана "Улут мурасы" улуттук салттуу кийимдердин жана тиричилик шаймандарынын көргөзмөсү өтүүдө.

Жумалыктын ачылышы чет элден келген коноктордун катышуусу менен ачылып, Уркуя Салиева атындагы сейил багынан Улуттук тарых музейге чейин жөө жүрүш менен уланды.

Белгилей кетсек, салттуу музыка жумалыгы 25-апрелге чейин уланып, улуттук салттуу кийимдердин жарманкеси менен коштолот.

Автор: Бактыгүл Момбекова
Фото: Маданият, маалымат, спорт жана жаштар саясаты министрлиги