Улан-Батор: Мээрим Жуманазарова казакстандык балбанды жеңди

Бүгүн, 21-апрелде Монголиянын борбору Улан-Батор шаарында күрөш боюнча Азия чемпиондугунун үчүнчү күндүк беттештери уланды.

Анда 68 килограмм салмакта Мээрим Жуманазарова казакстандык Мадина Бакбергенова аттуу балбан кыз менен кез келди.

Биринчи бөлүктө Мээрим Жуманазарова эки упай алды. Атаандашы коргонууда гана күрөштү.

Экинчи бөлүктө Бакбергенова активдүү күрөшпөгөнү үчүн кыргыз балбанына дагы бир упай берилди. Андан кийин Мээрим Жуманазарова атаандашын көтөрүп чаап дагы 2 упай алды.

Жыйынтыгында кыргыз балбаны 5:0 эсебинде жеңди.

Автор: Азат Бейшенбеков