"Ала-Тоо" аянты оюн-зоок тактайчалардан тазаланды

Бишкек шаарындагы "Ала-Тоо" аянты оюн-зоок тактайчалардан тазаланды. Бул тууралуу мэриянын басма сөз кызматынан билдиришти.

Маалыматка ылайык, борбордук "Ала-Тоо" аянтында мыйзамсыз орнотулган жеңил объектилерди жана оюн курулуштарын демонтаждоо боюнча кезектеги рейд өткөрүлдү.

Анын жыйынтыгында 6 оюн-зоок тактайчалары демонтаждалып, «Бузуулар» кодексине ылайык протоколдор түзүлдү.

Буга чейин акимчилик аталган курулуштардын ээлеринен аларды мыйзамдуу түрдө атайын бөлүнгөн жайларда пайдаланууну бир нече жолу суранган. Ага карабастан алар уруксат берилбеген жайда иштетип келишкен.

Бул багыттагы иштер дагы да улантылары жазылат маалыматта.

Автор: Алина Айдарбекова