Бишкекте Сезим жана Салия аттуу курбулар дайынсыз болуп изделүүдө

Бишкекте бүгүн 10 жаштагы курбулар Сезим жана Салия мектепке кеткен бойдон дайынсыз болуп изделүүдө. Бул тууралуу Сезимдин апасы билдирди.

Анын айтымында, Сезим эртең менен саат 07:15де үйдөн чыккан.

"07:38де мектептин видео көзөмөлүнө түшкөн. Бирок ал сабакка барган эмес.

Акыркы жолу анын телефон номери саат 07:50дө Чүй жана Манас кең көчөлөрүнүн кесилишинде катталган. Азыркыга чейин кыздардын жүргөн жери дайынсыз болууда. Алардын сабакка барбаганын мугалимдери чалып айтышты. Биз дароо милицияга билдирдик. Кыздарыбызды көргөн-билгендер бизге кабарлап коюуңуздарды суранабыз", - деп билдирди ал.

Кийген кийимдери:

Сезим: кара түстөгү классикалык шым, боз түстөгү кроссовка, ак кофта, күлгүн түстөгү жазгы күрмө.

Салия: көк түстөгү юбка, четинде сызыктары бар ак кофта, жынсы күрмө.

Изделип жаткан кыздар тууралуу маалымат билгендер болсо, төмөнкү номерлерге: 0554 041 461, 0556807545 кабарлап коюуну жакындары өтүнөт.

Автор: Айжанар Рыспек кызы