Москвада президенттердин катышуусунда ЖККУнун саммити өтөт

16-майда Москва шаарында мамлекет башчылардын катышуусунда Жамааттык коопсуздук жөнүндө келишим уюмунун (ЖККУ) саммити өтөт. Бул тууралуу орус президентинин басма сөз катчысы Дмитрий Песков бейшембиде журналисттерге билдирген.

"16-майда ЖККУнун 30 жылдыгына карата Москвада уюмга мүчө-мамлекеттердин саммити өтөт. Анда лидерлердин жолугушуусу дагы, жумушчу эртең мененки тамак форматындагы өзүнчө баарлашуусу дагы болот", - деген Песков.

Песковдун билдиришинче, ЖККУга мүчө өлкөлөрдүн лидерлеринин жолугушуусунда Украинадагы кырдаал да талкууланышы мүмкүн.

Автор: Азат Бейшенбеков