Супер фактылар: Кызыл панда тууралуу уккансызбы?

Сүрөттөгү сүйкүмдүү төрт буттуу жаныбар - кызыл панда. Непалдыктар аны "poonya" деп аташат жана бул жандык тууралуу байыркы заманда эле билишкен. Ал эми европалыктар кызыл панданы 19-кылымда гана кездештиришкен.

Кызыл пандалар түнкү жашоо образын жакшы көрүшөт. Күндүзгү убакытты алар бактарда уктоо менен өткөрүшөт. Башка пандалар сыяктуу эле бамбук менен азыктанышат. Өзгөчөлүгү чымчыктардын сайраганындай үндөрдү чыгара алышат.

Андан кызыл жана өзөчө баш кийим жасоо үчүн атып өлтүргөндөр көп болгондуктан жапайы табиятта жоголуп бара жаткан жаныбарлардын катарын толуктайт. Ал эми зоопарктарда кызыл пандалар көрүүчүлөрдүн эң сүйкүмдүү жана көп кызыккан жаныбары.

Автор: Сезим Жумагулова