Индияда буудайды экспорт кылууга тыюу салынды

Индияда буудайды экспорттоого тыюу салынды. Бул тууралуу чет элдик басылмалар Индия бийлигинин маалыматына таянып жазышты.

Басылмалар жазгандай, мындай чаралар өлкөнүн жалпы азык-түлүк коопсуздугун камсыз кылуу үчүн көрүлүүдө.

"Мындай чечим көптөгөн факторлор менен шартталган буудайга дүйнөлүк баанын кескин көтөрүлүшүн эске алуу менен ички баалардын өсүшүн көзөмөлдөө боюнча иш-чаралардын алкагында кабыл алынды", - деп жазылат маалыматта.

Индия 2022-жылдын апрель айында 1,2 миллион тонна буудай экспорттогон.

Автор: Айжанар Рыспек кызы
Фото: Интернеттен алынды