Бишкекте терроризмге жана экстремизмге каршы машыгуу өттү

Бүгүн, 24-майда өлкөнүн компетенттүү органдары тарабынан терроризмге каршы күрөшүү боюнча окуу-машыгуу өткөрүлдү. Анда террордук актылардын алдын алуу, бөгөт коюу, курал-жарактарды, ок-дарыларды, жардыргыч заттарды мыйзамсыз жүгүртүгө каршы иш-чаралардын айрымдары машыгуу түрүндө көрсөтүлдү.

"Өз ара аракеттенүү-2022" аталышындагы иш-чара Улуттук коопсуздук мамлекеттик комитети, Ички иштер министрлиги, Саламаттыкты сактоо министрлиги, Өзгөчө кырдаалдар министрлиги жана Жазаларды аткаруу мамлекеттик кызматы менен биргеликте уюштурулду.

Терроризмге жана экстремизмге каршы машыгуу Чүйдө, Ошто жана Баткенде да орун алды.

Автор: Бактыгүл Момбекова
Фото: Бактыгүл Момбекова