Сот Гүлзат Мамытбекке чечим чыгарды

Блогер Гүлзат Мамытбекке Бишкектин Биринчи Май райондук соту чечим чыгарды. Анда сот Гүлзат Мамытбекти күнөөлүү деп таап 3 жылга пробациялык мөөнөткө ( үй камагы) кесилди. Бул тууралуу SUPER.KG порталына блогердин апасы билдирди.

Билдирүүгө ылайык, Гүлзат Мамытбек сот залынан бошотулган.

"24-майда соттук отурум жыйынтыкталды. Анда блогер "алдамчылык" беренеси менен күнөөлүү деп табылып, 5 жылга эркинен ажыратылган. Кыргыз Республикасынын Кылмыш-жаза кодексинин 82-беренесинин негизинде ага 3 жылдык пробациялык көзөмөл колдонуу менен жазаны өтөөдөн бошотулду", - деп жазылат соттун чечиминде.

Эскерте кетсек, Гүлзат Мамытбек 2021-жылдын 25-октябрында алдамчылык фактысына шектелип кармалган. 27-октябрда Биринчи Май райондук сотунда анын баш коргоо чарасы каралып, 1 айга камакка алуу чечими тандалган.

Автор: Жолдубек Качкынбаев