реклама
super.kg logo

Ошко алып кеткен. Интернеттен таанышкан 12 жаштагы кызды уурдоого шектүү кармалды

 

Чүйдө 12 жаштагы кызды уурдап, Ош облусуна алып кеткенге шектүү кармалды. Шектүү өспүрүм кыз менен интернет аркылуу таанышканын Чүй ОИИББинин маалымат кызматынан кабарлашты.

Маалым болгондой, 18-майда Сокулук РИИБине 47 жаштагы жаран арыз менен кайрылган. Арыз ээси 12 жаштагы кызы ошол эле күнү саат 11:00 чамасында үйүнөн чыгып кеткен бойдон кайра кайтып келбегенин айтып, издеп, табууга жардам сураган.

Бул факты каттоого алынып, өспүрүм кызды табууга багытталган комплекстүү издөө иштери башталган.

"Окуучу 18-майда үйүнө өзү теңдүү бир кыз менен келген. Жакындарына бейтааныш кызды "классташым" деп тааныштырган. Ал ошол эле күнү ата-энесинен мектептин оңдоп-түзөө иштерине деп 500 сом алгандан кийин дайынсыз болуп кеткен. Кийинчерээк өспүрүм ата-энесине телефон чалып, Ошто жүргөнүн кабарлаган. Сокулук РИИБинин кызматкерлери Ош облусуна барышып, окуучу кыз 1987-жылы туулган К.М. аттуу аялдын үйүндө экенин аныкташкан. Аталган аял 12 жаштагы кызга тууган эместиги, алар интернет аркылуу таанышканы аныкталды. Ошондой эле К.М. окуучуну 18-майда алдоо жолу менен алып кеткени белгилүү болду.

Аталган факты боюнча 165-беренедеги (адам уурдоо) кылмыш белгилеринин негизинде тергөө иштери башталды. Шектүү катары К.М. кармалып, Сокулук РИИБдин убактылуу кармоочу жайына киргизилди. Соттун чечими менен аны камакка алуу бөгөт чарасы тандалды. Учурда милиция кызматкерлери тарабынан окуянын башка жагдайлары териштирилип, шектүүнүн мындан башка дагы кылмыштарга тиешеси бар, жогун аныктоо боюнча иштер жүргүзүлүүдө", - дешет маалымат кызматынан.




aksia550_3


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -2 
Комментарийлер(2)
25.05.2022. 20:46 
Тайпасы:
Жаран
Комментарийлердин саны:
129
Катталган:
11-09-2021
Соӊку аракети:
05-07-2022 17:06
Жынысы:
Белгисиз
+4
Мындай карасан кырдаал коркунучту ар кимде бала бар дегендей мыйзамда жазылган бул нерселердин жазасы а бизде эртен тергоочу акча алып анан соту акча алып эптеп чыгып кетет анан ушундай олко особу жок албетте онугуу мамлекеттик органдардан баштоо керек
25.05.2022. 21:18 
Тайпасы:
Жаран
Комментарийлердин саны:
717
Катталган:
21-10-2020
Соӊку аракети:
05-07-2022 16:01
Жынысы:
Белгисиз
+7
Оспурум деп эркек баланы айтат, кызды секелек кыз деп айтат, тилди тантыратып бутмой болдунар го. Азыр Хусейин Карасаев тируу болгондо башынардан ары таягы менен бир чапмак
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
192721;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: