"Териштирем". Талкуу жараткан казино мыйзамына добуш берүүсү боюнча Тазабек Икрамовдун билдирүүсү

Социалдык тармакта Жогорку Кеңештин депутаты Тазабек Икрамовдун казино боюнча мыйзам долбоору добушка коюлган күнү Чолпон-Ата шаарында болсо дагы "макул" деп добуш бергени талкууланууда.

SUPER.KG Тазабек Икрамовго байланышканда, ал буларга токтолду. "Мен оозеки дагы, кат түрүндө дагы эч кимге ишеним кат берген эмесмин. Бул эми берилген добуш мыйзамсыз. Мен Ысык-Көлдөн барган соң кайсы депутат мага добуш бергенин териштирем", - деди Икрамов.

Буга чейин Исхак Масалиев Фейсбуктагы баракчасына добуш берүүнүн жыйынтыгы кагаз түрүндө берилбегендигин жазып, компьютеринен алынган маалыматтарды жарыялаган.

Автор: Жанбулат Жумабеков