Жай мезгилинде Ысык-Көлдөгү тазалык, экология, туристтердин эс алуу маданияты көңүлдү буруп келет. Жакында интернет желесине Ысык-Көлдүн жээгинде самындап палас жууп жаткан жубайлардын видеосу тарады. Көп өтпөй Ысык-Көлдөгү пансионаттардын биринде массалык мушташ орун алды. Мушташ көл жээкте заара ушатып жаткан адамдын айынан чыкты деген маалымат да чыкты. Буга чейин айрым пансионаттардын канализациясы түптүз Ысык-Көлгө куйган фактылардын бети ачылган. Кымбат баалуу жол тандабасын көлдү кечип токтотуп алып жууган көпкөндөр дагы болгон. Көл жээгине дасторкон жайып жеп-ичип, кумдуу жээк желим бөтөлкө, полиэтилен баштыкка толуп калган көрүнүш жаңылык деле эмес. Айтор, Кыргыздын сыймыгы болгон Ысык-Көлдү таза кармоо, кам көрүү чакырыктары улам-улам айтылып келе жатканы менен, абал жакшырып кеткени байкалбайт. Бул санда Кыргыз туризминин чордону делген Ысык-Көлдүн тазалыгына токтолууну чечтик.
Макаланы толугу менен “Супер-Инфонун” 8-июлда чыккан №1022 жаңы санынан окуй аласыз.