Түркмөнстандын президенти Сердар Бердымухамедов Чолпон-Ата шаарына келди

Түркмөнстандын президенти Сердар Бердымухамедов Ысык-Көл облусунун Чолпон-Ата шаарында өтүүчү Борбор Азия мамлекет башчыларынын консультативдик жолугушуусуна катышуу үчүн келди. Бул тууралуу министрлер кабинетинен маалымдашты.

Билдирүүгө ылайык, түркмөн башчысын «Ысык-Көл» эл аралык аэропортунан министрлер кабинетинин төрагасы Акылбек Жапаров тосуп алды.

Борбор Азия мамлекет башчыларынын консультативдик жолугушуусунун алкагында бир катар документтерге кол коюу, ошондой эле эки тараптуу жолугушууларды өткөрүү пландалууда.

Автор: Сезим Жумагулова