Бишкекте 4 миң сомдон көмүр сатыла баштады (даректери)

Бишкек шаарында Кара-Кеченин көмүрү 4 миң сомдон сатыла баштады. Бул тууралуу "Кыргызкөмүр" мамлекеттик ишканасы маалымдады.

Маалыматка ылайык, бүгүн, 7-августта Бишкектеги Алыкулов 6 дарегине 100 тоннадан ашык көлөмдө көмүр түшүрүлдү жана тоннасы 4000 сомдон сатылат.

Ошондой эле Бишкектин беш жерине көмүр кампа ачылды. Алар: Мурманский 6, Алма-Ата көчөсү менен айланма жолдун кесилиши, ошондой эле Кара-Жыгач, Ак-Босого конуштарынын ири кампаларында ачылган.

Аталган жерлерден шаар тургундары Кара-Кеченин кесек көмүрүн сатып алса болот.

Автор: Азат Бейшенбеков