"20 жыл күттүргөн той". Женнифер Лопес менен Бен Аффлектин үйлөнүү үлпөтүндөгү кызыктуу ирмемдер

Америкалык белгилүү актриса жана ырчы Женнифер Лопес менен голливуд актёру Бен Аффлектин үлпөт тою өттү. Бул тууралуу чет элдик басылмалар жазып чыкты.

Түгөйлөр 16-июлда никесин расмий түрдө каттатышкан. Эми актриса расмий түрдө Женнифер Аффлек ысымын алды.

Белгилей кетсек, түгөйлөр 2001-жылы "Жильи" тасмасын тартуу учурунда таанышкан. 2002-жылы Бен Аффлек үйлөнүү сунушун киргизгени менен массалык маалымат каражаттарынын тынымсыз көңүл буруусунан улам алардын үлпөт тою өтпөй калган.

Арадан жыйырма жыл убакыт өткөн соң, тагыраагы 2021-жылы алар кайрадан сүйүү мамилесинде экени маалым болгон.

Үлпөт той Лас-Вегастагы "A Little White Wedding Chapel" аттуу салтанат өргөөсүндө өткөн.

Тойдо ырчы Женнифер Лопес тасмалардын бирине тартылганда кийген ак көйнөгүн кийип чыккан.