"Ала-Тоо" аянтынан майрамдан соң 4 тоннадан ашык таштанды чыгарылды

Бишкектеги "Ала-Тоо" аянтынан Эгемендүүлүк күнүнө карата өткөн иш-чарадан соң жалпы 4 тоннадан ашык таштанды чыгарылды.

Шаардык муниципалитеттен кабарлангандай, тазалоо иштерине жалпы 60 кызматкер, 8 атайын техника анын ичинен 5 таштанды чыгаруучу жана 3 жолду жуучу техника тартылган.

Майрам учурунда аянтка жалпы таштанды салуучу 20 пластик челек жана 20 даана биодааратканалар орнотулган.

Ошондой эле "Тазалыктын" кызматкерлери сахнаны, тосмолорду орнотушкан.

Эскерте кетсек, 2021-жылы 31-августта да аянттан жалпы 4 тоннага жакын таштанды чыгарылган.

Автор: Айжанар Рыспек кызы
Фото: Бишкек шаардык мэриясы