Көз жоосун алат. Чуңкурчактагы салтанатты баяндаган видео жарык көрдү

Кечээ, 31-августта Чуңкурчак жайлоосунда Эгемендүүлүк күнүнө жана Байтик баатырдын 200 жылдыгына карата майрамдык иш-чара өттү.

Ага президент Садыр Жапаров, биринчи айым Айгүл Жапарова, министрлер кабинетинин төрагасы Акылбек Жапаров жана башка бийлик өкүлдөрү катышты. Андан сырткары экс-президент Сооронбай Жээнбеков, Роза Отунбаева да салтанатка келген.

Өлкө башчы мындан кийин бул майрамды ушундай салтанатта ар бир дубанда өткөрүүнү ниеттенип жатканын билдирген. Салтанатка карата Чуңкурчакка чоң сахна жасалып, үч жүзгө жакын боз үй тигилген. Улуттук оюндардын 15 түрү ойнотулду.