Кыргыз-Казак чек арасындагы 3 өткөрүү пункту убактылуу иштебейт

Кыргыз-Казак чек арасында 3 өткөрүү пунктуна убактылуу чектөө коюлат. Бул тууралуу УКМКнын Чек ара кызматынан билдиришти.

"Адамдарды, унааларды жана жүктөрдү өткөрүүнү убактылуу токтотуу Тышкы миграцияны эсепке алуунун бирдиктүү тутумунун маалымат базасын жаңылоого байланыштуу", - деп айтылат маалыматта.

Өткөрүү төмөнкү убактарда токтотулат:

- 11:00дөн 13:00гө чейин “Ак-Тилек- унаа жолу” пункту;

- 14:00дөн 16:00гө чейин “Кең-Булуң-унаа жолу” пункту;

- 17:00дөн 20:00гө чейин “Токмок-унаа жолу” өткөрүү пункту.

Белгиленгендей, мамлекеттик чек аранын кыргыз-казак тилкесиндеги башка өткөрүү пункттары штаттык режимде иштейт.

Автор: Максуда Кудайбердиева