Кытайда кайрадан карантин киргизилип дүкөндөрдө ажиотаж башталды

Коңшу Кытайда коронавирус кайрадан көбөйүп жаткандыгына байланыштуу карантин киргизилүүдө. Бул тууралуу чет элдик басылмалар жазышты.

Маалыматка ылайык, Кытайдын Сычуань провинциясындагы 20 миллиондон ашык калкы бар Чэнду шаарынын тургундары мажбурлап изоляцияга жөнөтүлүүдө. Буга коронавирустун 160 адамдан аныкталганы себеп болгон.

Ошондой эле шаардагы азык-түлүк дүкөнүнө үй-бүлөнүн бир гана мүчөсү бара алат. Бул үчүн акыркы 24 сааттын ичинде тесттин терс жыйынтыгын көрсөтүш керек. Дүкөндөрдө көптөгөн товарлардын баасы көтөрүлгөн.

Бийлик окуу жылынын башталышын дагы жылдырды. Шаарда 1-сентябрдан 4-сентябрга чейин массалык ПЦР тестирлөө жүрүп жатат.

Автор: Азат Бейшенбеков