Элчи Гүлнара-Клара Самат кандай иштеп жатат? Тышкы иштер министрлигинин жообу

Бүгүн, 5-сентябрда Жогорку Эл аралык иштер, коргоо, коопсуздук жана миграция боюнча комитетинин жыйыны өтүүдө.

Жыйында депутат Шайлообек Атазов тышкы иштер министринин орун басары Азизбек Мадмаровго "Орусиядагы элчи кандай иштеп жатат?" деген суроо узатты.

"Орусиядагы элчи өзүнүн жумушун аткарып жатат. Бирок өзүңүздөр билесиздер, Орусияда көйгөйлүү маселелер абдан көп. Элчи жакшы эле иштеп жатат", - деп жооп берди тышкы иштер министринин орун басары.

"Кечээ 14 адам мүрт кеткенде эмне үчүн өзү кайрылуу жасаган жок?", - деп суроо салды Атазов.

"Аны элчинин өзүнөн сурайбыз", - деп жооп берди Азизбек Мадмаров.

Шайлообек Атазов мигранттардын 95 пайызы элчинин ишине нааразы экенин белгиледи.

Автор: Азат Бейшенбеков