"Тазалык" ишканасы Бишкекте таштанды челектерин жууп-тазалоону улантууда

"Тазалык" муниципалдык ишканасы борбор шаарыбыздагы таштанды челектерин жана аянтчаларды жууп-тазалоону улантууда. Бул тууралуу шаардык мэриянын басма сөз кызматы тарабынан маалым болду.

Билдирүүдө айтылгандай, 150гө жакын таштанды салынуучу челек жана 25тен ашык таштанды аянтчалары жуулду. Жууп-тазалоо иштерине 3 бирдик атайын техника жана 10 кызматкер тартылган.

Шаарыбыздын Бөкөнбаев, Москва, Токтогул, Киев, Фрунзе, Жибек Жолу, Сүйүмбаев, Осмонкул, Гоголь, Үсөнбаев, Линейная көчөлөрүндө жууп-тазалоо жүргүзүлдү. Челектерди жана аянтчаларды кайталап жууп-тазалоо графикке ылайык бардык көчөлөрдө жүргүзүлөт.

Автор: Сезим Жумагулова