"Сериалдар тартылат". "Кыргыз сериал" мамлекеттик мекемеси түзүлдү

Маданият, маалымат, спорт жана жаштар саясаты министрлигине караштуу Кинематография департаментинин алдындагы "Кыргыз сериал" чыгармачылык-өндүрүштүк бирикмеси” мамлекеттик мекемеси түзүлдү. Тиешелүү чечим министрлер кабинетинин жыйынында кабыл алынган.

Аталган чечим президенттин улуттук киноискусствону андан ары өнүктүрүү жана улуттук кинематографияны сапаттык жаңы деңгээлге көтөрүү, кинематографияны мамлекеттик колдоо системасын өркүндөтүү максатында кабыл алынган.

Ага ылайык Маданият, маалымат, спорт жана жаштар саясаты министрлигине тапшырмалар берилген.

Автор: Айзада Кыдырмышева