Чек ара кызматы: "Кыргыз-тажик тилкесинде абал чыңалуу бойдон сакталууда"

Бүгүн, 16-сентябрда саат 17:00гө карата мамлекеттик чек аранын кыргыз-тажик тилкесинде абал чыңалуу бойдон сакталууда. Бул тууралуу УКМКнын Чек ара кызматынан билдиришти.

Билдирүүгө ылайык, жетишилген макулдашууларга ылайык, УКМКнын Чек ара кызматынын тарамдары кагылышуу болгон аймактарда ок атууну токтотушту.

"Тажик тараптан аткылоонун интенсивдүүлүгү кескин азайды. Бирок чек аранын айрым жерлеринде тажик аскерлери маал-маалы менен Кыргызстандын позицияларын аткылап турат", - деп жазылат маалыматта.

Автор: Айжанар Рыспек кызы