Салык кызматынын жамааты Баткен элине бир күндүк эмгек акысын которушат

Мамлекеттик салык кызматынын жана аймактык салык органдарынын кызматкерлери Баткен облусунун жашоочуларына жардам катары бир күндүк эмгек акысын которушат. Бул тууралуу аталган мекеменин маалымат кызматынан билдиришти.

Маалыматка ылайык, каражаттар Баткен облусунун тургундарына жардам берүү үчүн Министрлер кабинети тарабынан ачылган бирдиктүү атайын эсепке которулат.

"Салык кызматынын жамааты куралдуу кол салуунун натыйжасында курман болгондордун туугандарына жана жакындарына терең кайгыруу менен көңүл айтып, аза кайгысын тең бөлөт, ошондой эле жабыркагандардын тезинен сакайып кетишин каалайт", - деп жазылган маалыматта.

Автор: Айзада Кыдырмышева