Мугалимдер бир күндүк эмгек акысын Баткен элине которушат

Билим берүү жана илим министрлиги Баткен облусундагы өзгөчө кырдаалдарга байланыштуу материалдык колдоо көрсөтөт.

Министрликтен билдиришкендей, министрликтин жана анын ведомстволук уюмдарынын кызматкерлери бир күндүк эмгек акыларын Кыргыз-тажик мамлекеттик чек арасындагы куралдуу кагылышуудан жабыр тарткан Баткен облусунун тургундарына жардам катары которушат.

Белгилеп өтсөк, Кыргыз-тажик чек арасындагы куралдуу кагылышууда жаракат алгандардын саны 121ге жетти. Саламаттык сактоо министрлиги каргашалуу окуядан 24 жаран набыт болгонун маалымдаган.

Автор: Айжанар Рыспек кызы