Алимбаев: "Тажикстандын агрессиясынан зыян тарткан турак жайларды аныктоо үчүн атайын комиссия түзүлдү"

Баткенде Тажикстандын агрессиясынан улам зыян тарткан турак жайларды аныктоо үчүн атайын комиссия түзүлдү. Бул тууралуу президенттин Баткендеги өкүлү Абдикарим Алимбаев билдирди.

"Учурда 4 комиссия түзүлдү. Алар биргеликте куралдуу кол салуу болгон аймактарда иш алып барышат. Комиссиянын курамында менин орун басарларымдын бири баш болуп, мамлекеттик органдардан, күч жана укук коргоо органдарынын өкүлдөрү бар", - дейт облус башчысы.

Учурда куралдуу кол салуу болгон айылдарда тиешелүү кызматтар тарабынан тазалоо иштери жүргүзүлүп жатат.