Бишкек шаарынын 4 районунда Баткен элине гуманитардык жардам чогултуу уланууда

Кайрымдуу жарандар гуманитардык жардамдарды кабыл алуу пункттарына тамак-аш, кийим-кече, гигиеналык каражаттарды жана дары-дармектерди алып келүүнү улантууда. Бул тууралуу шаар мэриясы кабарлайт.

Ар бир райондо Баткен облусунда жапа чеккен жашоочулар үчүн азык-түлүктөр чогултулду.

Биринчи Май району боюнча 612 килограмм ун, 428,6 килограмм дан азыктары, 1005,5 килограмм ун азыктары, 104 килограмм мөмө-жемиш, кийим-кече жыйналды;

Ленин району боюнча 9 тонна ун, 2,3 тонна кумшекер, дары-дармек жана буюмдар жыйналды;

Октябрь районунун тургундары 100 килограмм ун, 212 килограмм дан азыктары, 45 килограмм кумшекер, 487 килограмм ун азыктары жана жашылча-жемиш жыйнашкан;

Свердлов району боюнча 1307 килограмм ун, 317 килограмм дан азыктары, 952 килограмм кумшекер, 412 литр өсүмдүк майы, 80 килограмм туз, гигиеналык каражаттар жана кийим-кече жыйнашкан.

Борбор калаага келген баткендик 75 тургун White hotel, Shirin Botanik мейманканасы, медициналык академиянын жатаканасы, «Тумар», «Достук» мейманканаларына жайгаштырылган.

Автор: Сезим Жумагулова