Нью-Йоркто тартылган сүрөт боюнча президенттин кеңешчиси түшүндүрмө берди

Президенттин кеңешчиси Эрнис Ашырбаев Нью-Йоркто тартылган сүрөткө түшүндүрмө берди.

Социалдык тармактарда президенттин кеңешчиси жана аппаратынын кызматкерлеринин Нью-Йоркто тартылган сүрөтү жарыяланып, интернет колдонуучулар арасында кызуу талкууга алынган. Алар кызматкерлердин Кыргызстан кайгыга батып турган маалда дүкөн кыдырып, сүрөткө түшүп жүргөнүн айтып нааразы болушкан.

Ал арада президенттин жардамчысы Эрнис Ашырбаев окуя боюнча түшүндүрмө берип, АКШга өз каражатынын эсебинен барганын жазды.

“Урматтуу достор, менин сүрөтүм талкууга алынып жатыптыр. Анда “Мамлекеттин акчасына талтаңдап Америкада жүрөт” деген каралоо кошумчаланган. Мен жеке иштериме байланыштуу өз каражатым менен келип Америкада жүрөм, өлкө башчыбыздын иш сапарына тиешем жок. Азыр мүмкүнчүлүктөр кенен, “Манас” аэропортунан деле кимдин кайсы мезгилде учуп кеткенин оңой эле тактап алса болот. Туугандар, Нью-Йоркко биринчи жолу келдим, адам таасирленет экен, жаңылыктарды көрүп сүрөткө түшкүсү келет. Ал жактагы карындашым, студент курбу-достору менен мени тосуп алган, анан алар менен сүрөткө түшүп койдум. Менин ордумда сиздер деле сүрөткө түшөт элеңиздер. Сүрөткө түшүп койгонум сиздерге абдан жагымсыз болуп, эмоцияңыздарга терс таасир берип жатсам, анда кечирим сурайм”, - деп жазат Ашырбаев.

Белгилей кетсек, президент Садыр Жапаров учурда БУУнун Башкы ассамблеясынын 77-сессиясынын жалпы дебаттарына катышуу үчүн Нью-Йорк шаарында (АКШ) жүрөт. Анын алкагында президент БУУнун башкы катчысы Антониу Гутерриш менен өзүнчө эки тараптуу жолугушат. Ошондой эле бир катар жогорку деңгээлдеги жолугушууларды да өткөрөт.

Автор: Максуда Кудайбердиева

21:20 20-09-2022

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израиль жаңжалы: Владимир Путин кимди колдойт? 154 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 977 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 860 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1030 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2233 0

19:03 2025-06-20 | Спорт

Вьетнамда кыргыз балбан кызы Азия чемпиону болду 928 0

Архив

Комментарийлер (2)

maria87

2022-09-20 21:53:00

Кыргыздар эмне мынча майдачыл болуп кетишкен. Суротко тушсо эмне экен. Согуш болду деп эле башты жерге салып журо бериш керек бекен, похорондо журушкон жерлери жок. Тушкон суроттон эч жамандык коргон жокмун. Суротко тушуп Эч кимге жамандык кылышкан жок. Анан кантип тушуш керек эле, жатып, ыйлап тушуш керек беле.

mir996

2022-09-20 22:56:00

maria87 ошол жакынын жоготкон адамдардын ордуна өзүндү койуп көргөнүндө түшүнөт элең((

Комментарий калтыруу үчүн өз ысымыңыз менен кириңиз же каттоодон өтүңүз.