Орусиянын жарандыгын алгандарга армия милдеттүү түрдө болушу мүмкүн. Кеп кыргызстандыктар дагы жөнүндө

Орусия президентинин алдындагы адам укуктары кеңешинин мүчөсү Кирилл Кабанов өзүнүн телеграм каналына Орусиянын жарандыгын акыркы он жыл ичинде алган Борбор Азия өлкөлөрүнөн келгендер үчүн милдеттүү түрдө аскердик кызмат өтөө демилгесин даярдап жатканын билдирди.

"Орусиянын президенти тарабынан жарыяланган жарым-жартылай мобилизациянын алкагында биз Орусиянын жарандыгын жаңы алган Борбор Азия өлкөлөрүнөн келгендер үчүн бир жылдык милдеттүү аскердик кызмат жөнүндө сунуштарды даярдап жатабыз. Буга Казакстан, Кыргызстан, Тажикстан жана Өзбекстандан келгендер кирет. Аскердик милдетти аткаруудан баш тартуу аскер кызматына милдеттүү адамды гана эмес, анын үй-бүлө мүчөлөрүн да Орусиянын жарандыгынан ажыратууга алып келет.

Бул демилгени ишке ашыруу жогоруда аталган мамлекеттердин бийликтери тарабынан өз жарандарынын ыктыярдуу түрдө атайын аскердик операцияга катышуусуна расмий тыюу салууга адекваттуу жооп болот. Бул үчүн алар өз мекенинде кылмыш жазасына тартылат", - деп жазды ал.

21-сентябрда Орусиянын президенти Владимир Путин Орусияда жарым-жартылай мобилизация жарыялаган.

Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА