Бишкекте таштандыларды бөлүп чогултуу пилоттук долбоору ишке кирет

Бишкекте таштандыларды бөлүп чогултуу үчүн аянтчалар орнотулат. Бул тууралуу шаардык мэрия тарабынан маалым болду.

Билдирүүгө ылайык, мэр Эмилбек Абдыкадыров муниципалитетте таштандыларды бөлүп чогултуу боюнча пилоттук долбоорду уюштуруу үчүн жыйын өткөргөн.

Шаарды өнүктүрүү жана инвестиция тартуу агенттигинин өкүлдөрү катуу таштандыларды өзүнчө бөлүп чогултууну уюштуруу тажрыйбасы менен таанышуу үчүн Ташкентке иш сапары менен барышкан. Жыйынтыгында ар бир районго бирден таштанды чогултуучу жай орнотуу чечими кабыл алынды.

Автор: Сезим Жумагулова