Рысбай Исаков 124 саат манас айтып "Гиннесстин рекорддор китебине" катталды

Кыргыз Республикасынын эмгек сиңирген артисти Рысбай Исаков дүйнөлүк "Гиннесстин рекорддор китебине" 124 саат убакытка манас айтуу боюнча катталды. Бул тууралуу Маданият, маалымат, спорт жана жаштар саясаты министрлигинен маалымдашты.

Белгилүү болгондой, иш-чара Түркиянын Бурса шаарында өтүп жаткан “Манас жумалыгынын” алкагында орун алган.

Ага мамлекеттик катчы Сүйүнбек Касамбетов, “Түрксой” эл аралык уюмунун баш катчысы Султан Раев, маданият, маалымат, спорт жана жаштар саясаты министри Азамат Жаманкулов, Бурса шаарынын мэри Алинур Акташ, Кыргызстандын Түркиядагы элчиси Кубанычбек Өмүралиев, манасчылар жана коомчулук катышты.

"Гиннесстин рекорддор китебине" катталгандыгы тууралуу расмий маалыматты Бүткүл дүйнөлүк

"Гиннесстер китебинин" Түркия жана Борбор Азия мамлекеттери боюнча өкүлү тастыктап, ага Гиннесстин күбөлүгү тапшырылды. Анда аталган багытта катталууда Гиннесс тарабынан бекитилген талаптар сакталгандыгы айтылды.

Иш-чарада эл алдына түрк, казак жана кыргыз манасчылары манас айтып, майрамдык маанай тартуулады.

Эске салсак, аталган “Манас жумалыгы” Кыргыз Улуттук “Манас” театры жана “Түрксой” эл аралык уюму тарабынан “Төртүнчү Дүйнөлүк көчмөндөр оюндарынын” жана “Бурса шаары – Түрк дүйнөсүнүн маданий борбору” долбоорлорунун алкагында өткөрүлгөн алгачкы иш-чара болуп калды.

Иш-чаранын алкагында “Түрксой” эл аралык уюмунун бир катар сыйлыктары жана белектери менен түрк дүйнөсүнүн маданиятын өркүндөтүүгө кошкон бар катар инсандары сыйланды.

Маалымат үчүн: Исаков манас айтууну 22-сентябрда саат 19:00дө баштап, 28-сентябрга караган түнү саат 3тө жыйынтыктаган.

Автор: Айжанар Рыспек кызы
Фото: Маданият, маалымат, спорт жана жаштар министрлиги

08:43 29-09-2022

Жазылуу

РУБРИКАДАГЫ СОҢКУ КАБАРЛАР

15:52 2024-05-21 | Түркүн дүйнө

Иран эли Ибрахим Раиси менен коштошууда (сүрөт, видео) 151 0

15:34 2024-05-21 | Түркүн дүйнө

Иранда мөөнөтүнөн мурда президенттик шайлоо качан өтөрү белгилүү болду 253 0

15:30 2024-05-21 | Кылмыштар, кырсыктар

Бишкекте уурулукка шектелген жаран кармалды 170 0

15:27 2024-05-21 | Коом жана турмуш

Кытайдын ЖОЖдоруна документтер кабыл алына баштады 123 0

15:18 2024-05-21 | Коом жана турмуш

Ошто базарларда коомдук тамактануучу жайлар текшерилүүдө 139 0

15:10 2024-05-21 | Саясат

Адылбек Бийбосунов Бангладештин Кыргызстандагы элчиси менен жолугушту 163 0

Архив

Комментарийлер (2)

Asmat84

2022-09-29 10:00:00

Мээнети кайтыптыр. Кандай гана тармак болбосун Гиннеске кирүү оңой олтоң иш эмес.5-6кун Манас айтуу өтө оор нерсе.бир сутка уктабай калсаң кандай алжып каласың. Айрым хейтерлер прикол кылып аттынар эле

alinsan

2022-09-29 12:00:00

Бир карасам уктап аткан экен эле буга караганда беркиси жакшыраак айта беле дейм менин пикирим

Комментарий калтыруу үчүн өз ысымыңыз менен кириңиз же каттоодон өтүңүз.